[回到版面]
回應模式
名 稱
E-mail
標 題
內 文
附加圖檔[] []
刪除用密碼(刪除文章用。英數字8字元以內)
  • 可附加圖檔類型:GIF, JPG, PNG, BMP, SWF,瀏覽器才能正常附加圖檔
  • 附加圖檔最大上傳資料量為 4096 KB。當回文時E-mail填入sage為不推文功能
  • 當檔案超過寬 250 像素、高 250 像素時會自動縮小尺寸顯示
  • 目前附加圖檔使用量大小: 1163332 KB / 3000000 KB

同人唔同命,純粹抱怨,不喜忽看。 名稱: 無名氏 [19/04/04(四)14:38 ID:0ueFttnE] No.17970  
十幾年前,中學畢業,我想繼續讀但屋企一句話無錢,就叫我自己諗掂去。

咁我就唯有半工讀啦,當年又要返工又要讀書,連休息嘅時間都無。唔好以為無時間去玩,就可以儲到錢,因為份人工交完學費比完家用就得丁屎咁多,夠食已經偷笑,所以半工讀嗰幾年完全儲唔到錢。

然後我個細佬中學都未讀完就唔讀,hea咗一段時間先去返工,佢hea嗰段時間我屋企仲比緊錢佢駛,到佢返工,日日去落吧落D唱K咁,個個月洗晒份糧,無比家用不特止,我屋企仲倒返轉比錢佢。

嗰時我又返工又返學,有時間都用嚟瞓,完會無時間去識女仔拍拖,而我細佬就經常唔返屋企瞓,就算返都半夜大大聲講電話,因為我同佢用一間房,佢講電話嘈到我瞓唔到。

後來我屋企話我細佬同我同一間房,佢會好唔方便,然後買咗層樓比佢住,佢一個仙都唔駛比就有樓,然後因為佢唔係屋企住,佢就名正言順唔比家用屋企。

因為佢搬走咗,我屋企仲有無私底下比錢佢我就唔知,但佢唔駛比家用不特止仲有樓比佢住,我就要繼續喺屋企繼續比家用。而到我半工讀完之後,先開始慢慢儲到錢。
類別: [編輯]
繼續 名稱: 無名氏 [19/04/04(四)14:39 ID:0ueFttnE] No.17971 5推  
之後嗰幾年,好似唔再興落d唱K嗰啲,我細佬就晚晚唔係帶唔同嘅女返佢間屋瞓,就係搵一大班人上佢間屋開party。

而我就拍過幾次拖,啲女個個最後都嫌我無樓同我分手。相反,我細佬有樓,就好多女主動送上門比佢屌,曾經前後試過有兩條女,都特登比佢大肚想迫佢娶,但最後迫唔到仲攪到要自己去落仔。

後來我細佬要結婚,但佢無錢,我屋企就比錢佢結婚擺酒,佢又係一個仙都唔駛出。

後來我終於遇到個唔介意我無樓,肯結婚之後同我屋企人住嘅女仔,嗰時我儲咗幾十萬,夠結婚唔夠買樓,結完婚都洗咗一大半,而我結婚時我屋企一個仙都無幫過我,返而因為多咗個人,要我比多一倍家用。

後來結咗婚,我屋企覺得多咗個外人唔高興,成日一有機會就難為我老婆,後來結咗婚未夠一年,我屋企就鬧走咗我老婆,我就唯有跟我老婆搬去外家住。

雖然我同我老婆搬走咗,但我屋企依然要我比家用,屋企份家用已經佔咗我一半人工,然後又要比家用我老婆,加上屋企啲雜費,我每個月支出仲多過收入,唔單止儲唔到錢,仲睇住戶口啲錢一個月比一個月少。

自從搬咗去我老婆外家,我岳父就成日問我老婆,點解我老婆同我結咗婚咁耐,我都仲未買到樓?又問我屋企唔係做生意咩?點解唔幫我手買樓?又話供樓有幾難,佢話佢後生時都供過樓,一樣供得起喎......

其實喺我老婆外家住,真係有種無形壓力,如果可以,我真係想有自己一間屋,我同我老婆都唔駛受氣,但係睇住個戶口個個月有減無加,都唔知捱到幾耐,仲話想買樓?除非中六合彩囉......
無名氏 : 老婆有無做野?兩個人一齊租間村屋得唔得?(mrJF7pYE)(19/04/05 06:29:00)
無名氏 : 照計的話,你遲早都要做衰仔,要比少d/唔比家用,不如早幾個月做不孝子,現在就比少d(aFcx.nHU)(19/04/06 04:11:44)
無名氏 : 當幫自己儲番個錢,衰d講句,病左都要錢睇醫生架(aFcx.nHU)(19/04/06 04:12:00)
無名氏 : 自己諗下,而家死死地氣咁忍係唔係希望佢地死左留晒D野比你?而你恨唔恨?恨的話繼續供家用啦(HUscVybM)(19/04/07 10:27:34)
無名氏 : 我覺得佢地會留晒D野俾你細佬(evcthgCo)(19/04/07 11:30:19)
無標題 名稱: 無名氏 [19/04/07(日)19:07 ID:d9wiTpA6] No.17972 2推  
冇人叫你做孝子
無名氏 : btw點解你屋企人對你同細佬有差別待遇?(d9wiTpA6)(19/04/07 19:08:13)
無名氏 : 可能細佬靚仔而事主樣衰的關係????(RonS94ic)(19/04/07 19:22:38)
無標題 名稱: 無名氏 [19/04/07(日)20:06 ID:TJRZ2Pyc] No.17973   
老豆老母偏心到咁仲俾咩家用?
你點人人點對你,既然你父母都無幫你諗過,咁你何必以佢地為先?
先照顧好對你好人,其他個D等你財政壓力無咁大先理佢地啦。
無標題 名稱: 無名氏 [19/04/08(一)00:01 ID:AViY/9mc] No.17974   
成件事好像上面咁講,而家問題唔係公唔公平,而係你想唔想要遺產?

若果你家下忍落去,係覺得佢地死左的時侯會留返D樓比你,咁你咪繼續忍,話唔定佢地都係覺得你以後要繼承最大果份先至要求多多。咁就頂埋佢啦,大不了以後買多D唔健康的野比佢地食,叫佢地唔好做運動日日坐係屋企飲酒。

若果你覺得佢地死左都唔會留野比你,或者仆街到分一半比你細佬,咁仲忍咩??斷關系,以後大家各自各搵食算數

【刪除文章】[]
刪除用密碼:
第一頁[0] 最後一頁





<NOFRAMES>