[回到版面]
回應模式
名 稱
E-mail
標 題
內 文
附加圖檔[] []
刪除用密碼(刪除文章用。英數字8字元以內)
  • 可附加圖檔類型:GIF, JPG, PNG, BMP, SWF,瀏覽器才能正常附加圖檔
  • 附加圖檔最大上傳資料量為 4096 KB。當回文時E-mail填入sage為不推文功能
  • 當檔案超過寬 250 像素、高 250 像素時會自動縮小尺寸顯示
  • 目前附加圖檔使用量大小: 1423174 KB / 3000000 KB

檔名:1542295889436.jpg-(92 KB, 850x480) [以預覽圖顯示]
92 KB一次失敗嘅訂購經驗,精品原來係精而無品  名稱: 無名氏 [18/11/15(四)23:31 ID:7pP8Btyc] No.17831 2推 
大家好,想借個空間分享一次不愉快的訂購經驗,我諗唔少網友都用得着,因為涉及嘅店家正係全港有多間分店,近乎係業界龍頭嘅「精品」。

若果大家唔想重蹈我「人」「財」兩失嘅慘況,建議花小小時間睇睇我今日嘅經歷。

事源係今年5月30日,我喺精品灣仔分店訂購以下產品連特典,
產品連結:https://www.kotobukiya.co.jp/product/product-0000002950/
當時店員無任何異樣,只係照住一般程序幫我落單收訂,咁我就拎住張單滿心歡喜咁等貨到。

之後6月7月8月9月都過咗,到咗10中我去左日本東京一趟,行過秋葉原壽屋店,見到件貨已經賣緊,店員身後個架仲有兩三件特典,當時就諗住返到香港應該有得攞貨,無諗咁多就走咗。
之後返到香港,大約26-27號我就拎住張單上信和11樓精品Outlet問店員有無貨,當時店員幫我查左差唔多十分鐘,同我講話系統睇唔到件貨,應該未返到,叫我再等一等。咁我諗出左得一星期,可能未運到都唔奇,咁就乖乖返屋企等。
無名氏 : 因為冇人訂得自己個張訂而冇訂我都試過,但幸好之後那是崩價貨(X1iC9YDM)(18/11/20 18:34:11)
無名氏 : 因為冇人訂得自己個張訂而冇訂我都試過,但幸好之後那是崩價貨(X1iC9YDM)(18/11/20 18:35:43)
類別: [編輯]
無標題 名稱: 無名氏 [18/11/15(四)23:32 ID:7pP8Btyc] No.17832   
到咗11月9日上星期五,至此精品從未有店員就這張單聯絡過我,我決定再上一次精品Outlet,另一位店員又同我入機查左十分鐘,臉色有啲唔對路,我就開始覺得唔妥。佢話會搵Office幫我跟跟,要我再耐心等等。

咁我都無計,留難門市店員又無用,唯有死死氣返屋企等電話。星期一我再追問,佢話搵左Office等消息;到左星期三,我再打一次,今次個店員再幫我查,之後佢講個句,希望大家都注意:

「我查到呢件貨全港得先生你一個訂,可能我哋唔夠數開唔到單。」
請大家注意,件貨10月中出,我由5月尾落訂到件貨出左成大半個月,都無任何人通知過我可能開唔到單呢樣嘢,佢都好明白我嘅情況,回覆咗我一句:

「係呀,其實呢個情況都唔係第一次發生,其實以前都試過唔到最低落單數,但Office都無同我哋講,所以……」
即係我唔係第一更唔係唯一一位受害者~
我應該開心嘛?
無標題 名稱: 無名氏 [18/11/15(四)23:55 ID:7pP8Btyc] No.17833   
 檔名:1542297354253.jpg-(88 KB, 671x505) [以預覽圖顯示] 88 KB
當時我已經有點火滾,不過唔想留難前線員工,所以向佢要Office相關人員嘅電話,佢表示公司政策唔容許門市透露Office電話俾街客,建議我上佢哋FB發短訊問會最快。
好啦,咁我當晚就打個短訊去精品FB,連埋單據張相Send俾佢,要求佢哋盡快交待。

到左今日下晝,佢哋終於有短訊回應,不過只係一個行到唔行嘅「唔係我哋錯,我哋跟進中」嘅對白,我講明唔接受呢種廢話,要求佢哋立刻講明到底有無貨。一個鐘之後,就有位李生搵我,睇來電顯示應該係深水涉總店個邊嘅。

依李生嘅講法,件貨佢哋有幫我落訂,只係唔知點解供應商無俾到件貨佢哋,佢哋亦都嘗試過去其他網站搵,但都搵唔到我要嘅特典版。
到此,我已經知道我呢一生同件貨無緣相遇喇。
無標題 名稱: 無名氏 [18/11/16(五)00:13 ID:EyqjGokE] No.17834   
 檔名:1542298426308.jpg-(63 KB, 677x473) [以預覽圖顯示] 63 KB
當然我唔可能就咁算數,我一直追問點解會發生咁嘅事,我亦都講明我唔信「供應商俾唔到貨」嘅講法,我相信係因為得我一個訂,佢哋做埋都無肉食乾脆唔做,而我亦接受呢個商業手法,只係火滾佢哋一路無人通知我,到件貨出左成個月,要我不停去追去問先至有人聯絡我,仲要俾個跟本唔合理嘅藉口嚟打發我。

若果佢哋九月截單個陣通知我,我或許仲有時間搵過第二間幫我訂,甚至我人喺老秋個陣可以試下問店員有無計,佢哋依家講唔好意思講藉口,可以解決到我咩問題。全港得我一個人訂,證明我件貨超級冷門,第一我唔可能期待再販,第二我只能靠拍賣睇下有無人放,然後價任佢開,收埋件貨可能仲有瑕疵。

針對我嘅追問,李生都只重覆話係供應商問題,不過佢哋都願意負返責任。OK,你話要負責任,我就睇你點負責。
無標題 名稱: 無名氏 [18/11/16(五)00:18 ID:EyqjGokE] No.17835   
 檔名:1542298699709.jpg-(93 KB, 681x474) [以預覽圖顯示] 93 KB
我立刻開左兩個方案俾佢:
第一, 在十二月中或之前把貨物交到我手上,我就當無事發生照俾錢;
第二, 連訂金賠償我一切損失,包括錯過購買該貨品嘅機會,今後以高價拍賣二手貨,其後嘅運費手續費雜費等一共三千港元。
聽完我兩個方案,李生靜左一陣,話自己決定唔到要搵老闆。OK,無問題,你搵,我講明只要佢今日五六點覆到我就得,我無耐性再等佢一星期。

到咗五點左右,李生又打過嚟,佢話願意接受方案一,亦都已搵左另一間供應商搵到件貨俾我,會喺12月16前俾到件貨我。我當然高興佢哋有意跟進,不過佢拖左我成個月,我當然唔可能就咁信佢,我要求佢哋寫一份公司信,承諾會喺12月16前俾到件貨我,否則就會賠償我四千港元。李生一聽到就縮,話唔明點解要呢封信,佢亦都已確定有件貨可以返到,咁就到我唔明,若果佢哋真係好似佢哋咁講有信心搵到件貨,封信其實只喺俾我安心用嘅。

之後李生靜左一段時間,話要再問上司,然後就無再打過嚟。
無標題 名稱: 無名氏 [18/11/16(五)00:24 ID:EyqjGokE] No.17836   
 檔名:1542299047775.jpg-(86 KB, 680x471) [以預覽圖顯示] 86 KB
無幾耐精品FB個度覆左我,話佢哋唔能夠接受我兩個方案,反建議我兩個方案:
一, 慢慢等佢哋12月俾貨我,但佢哋唔會寫任何承諾書;
二, 佢哋連訂賠我800,而訂金400件貨本身佢開價1500
我立刻FB回應佢,我只會接受我開嘅方案,否則就會判斷精品無任何誠意去解決佢哋引發我嘅損失。
之後就佢有佢方案,我有我方案,到呢刻我確定佢一直打拖字訣,等我放棄然後收返訂金就算數咁。

講左咁長,一邊係洩憤,另一邊亦想提醒咁多位同好,今後若果去精品訂嘢,大路嘢或者市面應該都有散貨嘅就無問題,冷門嘢嘅話最好小心,最好搵多一兩間落訂安全啲。精品佢哋隨時唔開單,而且中途唔會通知你,等件貨出晒街都唔會話你知,拖得一日得一日,最好你自己無耐性要返訂金咁就算,咁佢就乜都唔駛煩。若果我唔係一路嗆住佢,我諗佢都唔會覆我,更唔會打算賠多我400。

搞到我同我最愛件貨永別仲想俾400就算數?
精品你試試有客訂左成萬蚊貨,最後走數話賠返1000俾你當無數呀,我睇你會唔會就咁算數!!
無標題 名稱: 無名氏 [18/11/16(五)13:42 ID:gjQf5hxE] No.17837   
我試過唔見單,上到去佢話查紀錄我冇訂過
我話再返去揾揾,之後揾返張單,佢話已經過咗期唔俾貨

咁我即係有冇訂過?
隻嘢原本800,出貨嗰吓已經炒到1500
無標題 名稱: 無名氏 [18/11/16(五)18:32 ID:5VsoYfy2] No.17838   



Thank for sharing
無標題 名稱: 無名氏 [18/11/16(五)20:04 ID:8WrKmafU] No.17839   
 檔名:1542369864672.jpg-(29 KB, 599x500) [以預覽圖顯示] 29 KB
無內文
無標題 名稱: 無名氏 [18/11/17(六)16:02 ID:9DbEJXn2] No.17840 7推  
https://www.facebook.com/figuretoy1997/posts/1971276569633534

最新發展,精品在自己的FB公告,會替我找回同一件貨
既然對方都賭上商譽,我也沒理由不相信
暫時就靜待至1月看看精品會否對現承諾~
無名氏 : >暫時就靜待至1月看看精品會否對現承諾~ 宅宅就是好欺侮的代名詞(KdSV12RY)(18/11/17 17:10:53)
無名氏 : 反正就算他不給我貨,我的損失也不大,就只是沒了400元(WSNXg8fA)(18/11/17 21:48:19)
無名氏 : 而對方則會變成一粒大花生,若果精品真係唔重視商譽到呢個地步,我都真係大開眼界界(WSNXg8fA)(18/11/17 22:07:44)
無名氏 : 大花生?睇過?有幾大啊?(w0rttUd.)(18/11/20 12:28:30)
無名氏 : 你未免太睇得起自己嗰一張單,你根本影響唔到佢對外嘅"商譽",你只能夠影響到你自己對佢嘅睇法(w0rttUd.)(18/11/20 12:29:40)
無名氏 : 然後你嘅睇法一啲都唔重要,就算你因為冇貨收而自殺,啲人都一樣照幫襯佢(w0rttUd.)(18/11/20 12:30:43)
無名氏 : 特典呢?特典呢呢呢呢呢呢呢呢呢呢呢呢呢呢呢呢呢呢呢呢呢呢??????(BEgdwY6Y)(18/11/22 11:42:00)
無標題 名稱: 無名氏 [18/11/27(二)18:23 ID:czsHhQIo] No.17846 1推  
(笑)
唔退錢就話啫
去茶記食野都會落漏單la
要人地幫你比炒價直情發緊夢,以為人地整爛左你隻野
無名氏 : 落漏單唔緊要,你追左兩次,你食下晝佢到四點先同講漏左單轉下午茶好無(1ltddxOY)(18/11/27 18:58:18)
無標題 名稱: 無名氏 [18/11/27(二)19:08 ID:1ltddxOY] No.17848 2推  
好像一直發不了圖....

我是原PO,想說一下精品已經把件貨連特典交左俾我~
無名氏 : GJ(V8feFVp.)(18/11/30 05:38:30)
無名氏 : GJ(V8feFVp.)(18/11/30 05:38:36)
無標題 名稱: 無名氏 [18/11/30(五)15:05 ID:NlpZz1xY] No.17852   
恭喜原PO
看到訂Dies相關先留言(x)

下次想唔冒風險既話 可以試下自己買寄去日本集運自己運返黎
自己買比既都係7算+國內運+海外運+集運公司小量手續費
安全唔駛受氣
goyokikiya
無標題 名稱: 無名氏 [18/12/01(六)00:29 ID:AQKwtInM] No.17855 5推  
 檔名:1543595346015.jpg-(23 KB, 480x360) [以預覽圖顯示] 23 KB
無名氏 : 大花生?睇過?有幾大啊?(w0rttUd.)(18/11/20 12:28:30)
無名氏 : 你未免太睇得起自己嗰一張單,你根本影響唔到佢對外嘅"商譽",你只能夠影響到你自己對佢嘅睇法(w0rttUd.)(18/11/20 12:29:40)
無名氏 : 然後你嘅睇法一啲都唔重要,就算你因為冇貨收而自殺,啲人都一樣照幫襯佢(w0rttUd.)(18/11/20 12:30:43)

↑現在w0rttUd.被兜巴星臉腫如豬,請問而家有乜感想分享兩句?現在感覺如何了?
無名氏 : 精品有良心肯做嘢同原PO只係一粒塵冇衝突(RzXDspP6)(18/12/02 18:10:35)
無名氏 : RzXDspP6=w0rttUd. 跌落地下拿番渣沙(m.A8Guys)(18/12/04 11:29:38)
無名氏 : 喺一個冇乜人嘅K島香港版PO文,真係對精品嘅商譽完全冇影響喎(1W7azhxc)(18/12/05 18:31:19)
無名氏 : 如果你覺得精品會賠係因為佢喺到PO文影響精品商譽,咁你真係創作力量同幻想會嚇人一跳(1W7azhxc)(18/12/05 18:32:50)
無名氏 : 我是原PO,其實我是有在FB的群組PO文,然後再被轉貼到別的地方(RxjV2Y/s)(18/12/09 22:32:28)
一雄 日本代購 名稱: 澳門豬 [18/12/02(日)19:52 ID:PhhCxw7Y] No.17856 3推  
雖然吾係香港人
同樣試過找代購冷門嘢下單後説冇貨 又早已過了預購期限
因為係期間限定品 所以d拍買網炒到3倍價錢
問佢點解冇貨 佢只話不清楚

因為好想要件野 最後去了其他代購花快3倍原價+運費買

但冇法 澳門又冇幾間代購 澳門人只能幫襯佢間一雄
無名氏 : 好羨慕原PO有勇氣叫間舖補償自己的損失(PhhCxw7Y)(18/12/02 20:03:29)
無名氏 : 好羨慕原PO有勇氣叫間舖補償自己的損失(PhhCxw7Y)(18/12/02 20:03:35)
無名氏 : 直接去https://www.amiami.com/eng/?買吧,會送去澳門(7.ZoXNWI)(18/12/08 21:55:57)
無標題 名稱: 無名氏 [18/12/02(日)23:16 ID:dzzxjMdU] No.17857 2推  
>>No.17856
其實關鍵只在於你願意放棄多少
在我把事情公開時,我已決定放棄件貸同埋400蚊訂,
只是精品比我想像中更重視商譽,這件事才有這樣的結局~
無名氏 : 公開不是為了利用群眾壓力嗎?那一步令你覺得公開會引致失去件貸或訂金?(6ayxoZ8.)(18/12/03 13:14:27)
無名氏 : 因為我覺得精品不會因為這點商譽就會認錯,所以我當時唔係諗住迫佢就範,單純係想唱衰佢www(CY2eFJXI)(18/12/03 13:25:54)
無標題 名稱: 無名氏 [18/12/05(三)12:08 ID:ExmhZGCw] No.17858   
去AMIAMI訂,直送海外連集運都慳返
仲好似AMAZON咁可以儲點數,物流又快又好
唔使比完錢仲要睇人面色兼望天打掛
無標題 名稱: 無名氏 [19/01/02(三)17:02 ID:QiwbGm1w] No.17883   
>>No.17858
系,而家訂野真系用ami,佢本身就賣得平,計埋運費都唔比香港貴好多

【刪除文章】[]
刪除用密碼:
第一頁[0] 最後一頁





<NOFRAMES>