[回到版面]
回應模式
名 稱
E-mail
標 題
內 文
附加圖檔[] []
刪除用密碼(刪除文章用。英數字8字元以內)
  • 可附加圖檔類型:GIF, JPG, PNG, BMP, SWF,瀏覽器才能正常附加圖檔
  • 附加圖檔最大上傳資料量為 4096 KB。當回文時E-mail填入sage為不推文功能
  • 當檔案超過寬 250 像素、高 250 像素時會自動縮小尺寸顯示
  • 目前附加圖檔使用量大小: 1215460 KB / 3000000 KB

檔名:1407732489396.jpg-(174 KB, 1920x1080) [以預覽圖顯示]
174 KB好難受.... 名稱: 無名氏 [14/08/11(一)12:48 ID:m2k1UOM2] No.10971 6推 
島民們可唔可以幫幫我?
我係今届DSE考生,本來諗住應該無offer,所以話諗住去日本留下學學習下,
我個friend諗住話一齊去,加埋佢老母唔比佢自己去同佢自己都淆,話諗住多個照應
但係前兩日jupas city asso比左offer我,一來我老豆老母都想家族出大學生,幫佢地完成讀唔成大學的心願,但係我個friend連通識都得1,佢話係香港無野做,又去唔成日本真係皮已收
我兩邊都有興趣讀,但兩面都唔能夠得失,我心真係好似刀割咁...
無名氏 : 當然是留在香港呀,朋友就用SKYPE支援吧,再怎麼說他也是要獨立的(N2yohejs)(14/08/11 12:53:40)
原po : 就係佢老母唔俾佢自己去先係大問題(m2k1UOM2)(14/08/11 12:56:45)
無名氏 : 如果佢老母或佢肯付你全費到日本陪他留學連食宿的話,的確是可以考慮。(N2yohejs)(14/08/11 14:27:58)
無名氏 : 如果你本身有日文能力,打併一年去考日本大學係可以考慮,至於你朋友,當多個外語能力第時做sales啦(JQ94LWK.)(14/08/11 20:07:30)
無名氏 : 通識都得1 去得成都係累街芳(moPfaarU)(14/08/11 21:08:39)
無名氏 : 你日文識唔識,唔係講野,我指N2水平,無就唔好去日本。叫你朋友接受現實係香港(MUwgFSXo)(14/08/12 00:09:54)
無標題 名稱: 原po [14/08/11(一)13:34 ID:m2k1UOM2] No.10974 3推  
 檔名:1407735240049.jpg-(136 KB, 1920x1080) [以預覽圖顯示] 136 KB
>>No.10971
補充少少
我個人睇法其實係始終呢個asso好似唔惹小
而且唔讀就無機會讀多次,反而日本遲幾年去都得
但又好似好自私,搞到人無書讀咁,所以我先唔知點做
PS:我陣間返工,若果有人留言的話,抱歉未能即時回覆,希望島民們可以解我不惑
真的不是宅男 : 做人點解要咁偉大?幫人前題要搞掂左自已先(rk9vEPnI)(14/08/11 14:18:38)
無名氏 : 你答應朋友一齊去日本是假設在你無野讀之下, 既然依家有offer而你又更想讀,(QB3qdoTA)(14/08/11 17:26:23)
接上 : 梗係選你最想讀的那個!唔好後悔就好!!!(QB3qdoTA)(14/08/11 17:26:53)
無標題 名稱: 無名氏 [14/08/11(一)15:01 ID:yCimVEDU] No.10976   
 檔名:1407740495936.png-(287 KB, 633x358) [以預覽圖顯示] 287 KB
自己都顧唔掂,忡想照顧埋個friend?

如果去完日本,包保會變得勁把砲既,咁就去馬囉
仲駛諗?
無標題 名稱: 無名氏 [14/08/11(一)15:25 ID:mpyeqMr6] No.10977   
泥菩薩過江都仲諗點幫人,你唔係聖人就一定係低能
再唔係就一定係你差佢好多錢
無標題 名稱: 無名氏 [14/08/11(一)16:24 ID:EBnwyFvY] No.10978   
認真,你而家係去讀書唔係去玩
當然係以你自己出路為大前題
你有責任心既就accept左個offer之後
幫你朋友搵本地升學途徑

至於佢老母唔比佢自己去 我諗背後可能有其他原因吧...(?)
無標題 名稱: 無名氏 [14/08/11(一)16:58 ID:ObIyG0ZI] No.10979 1推  
其實都唔係好難諗
香港方面:
如果你話係degree就話啫, asso咋喎, 讀完有幾多位升上degree先? 其他大學既top-up認唔認先? 如果你話asso學歷终點就冇野講, 但如果係以degree或以上作為學歷终點唔該花D時間check係咪淨係得asso上degree, asso唔惹小? 點諗都唔make sense

日本方面:
同樣問題, 係去日本學乜先? 一般都要上專門學校, 然後再考試去上大學, 一個唔該就6年. 如果只係留學上下短期課程, 出黎係無學位. 你個friend佢係咪堅去讀書先? 如果佢冇咁既決心實死, 叫佢重讀/OU反而無咁死. 另外日本degree唔係個個都認, 佢講唔出讀乜major既話堅係算Q數

结論: 兩邊比較, 睇下邊一個可以清楚知道未來5-6年條路點行, 睇得到既就行邊條. 目前po出既資料唔多似有諗過
無名氏 : city的jupas asso有品質保證,GPA3.5左右就可以升上DEGREE。(N2yohejs)(14/08/11 19:44:03)
無標題 名稱: 無名氏 [14/08/11(一)20:16 ID:0wqi6vXg] No.10980   
講講兩邊家底,asso邊科,如去日本有咩打算(e.g.途徑,住邊,讀乜,預算,時間)
本身有乜興趣,將來讀完去邊工作

老實講,日本工作環境唔好得過香港
無標題 名稱: 無名氏 [14/08/11(一)21:55 ID:XQffSig6] No.10981 2推  
如果有錢有能力喺日本長住一排
去日本讀好日文返香港搵日本公司做
一定好過讀ASSO
DSE不太差更可重考

日本有很多私立大學
能夠在日本買學位更好
香港人一定唔識分日本嘅名唔名校
無名氏 : 香港老板對日本大學學位並沒有多大興趣吧,又不是歐美(0wqi6vXg)(14/08/11 22:32:49)
>>0wqi6vXg : 總會認為比嶺南、樹仁、IED、公大FT的好(KHhErdwU)(14/08/12 20:41:03)
無標題 名稱: 無名氏 [14/08/12(二)00:14 ID:MUwgFSXo] No.10982   
咩叫老豆老母都想家族出大學生,甘你想唔想?唔好到時賴你老豆老母。

仲有你日文得唔得?唔得就唔發白日夢,最後唔話你想FD想去,去就你自己去,唔好諗住多個照應甘天真。

老實講日本大學對於香港既公司無咩力,分分鐘唔承認,老老實實去近少少既地方讀大學啦
無標題 名稱: 原po [14/08/12(二)00:46 ID:YWDCTBmc] No.10983 1推  
 檔名:1407775584110.jpg-(73 KB, 1920x1080) [以預覽圖顯示] 73 KB
>>No.10976
其實都唔會太把砲,只係日本専門學校有多d特別科讀咁,eg遊戲設計(佢想讀)
>>No.10977
可能我真係低能掛(哭
>>No.10978
佢就係打死都話唔係香港讀。的確有原因...
>>No.10979
因為呢兩三日先發生,所以仲未諗得好清楚,對唔住
香港:
呢個asso有衍接到外國degree,本地都有機會,而且各方面評價都唔錯
如果唔係呢個offer,我唔會顧慮咁多
日本:
諗住讀左日本語中心後考専門,佢話諗住讀遊戲設計之類既科,同埋話係外地環境迫住下會有決心,佢仲話一路教日文賺錢一路整game,反而好似係我未諗定
>>No.10980
我:
夠錢讀四年左右,asso係JS1091 Associate of Science (AS/BSE/CEM/Surv)
諗住靠日經轉介去日本讀兩年日本語中心,兩年専門,住都其實未諗,
我對CG繪圖都幾有興趣
都係返香港打工,反而好似無乜前途
friend:
一樣夠錢讀四年左右,兩年日本語中心,兩年専門,話想讀遊戲設計之類既科,返香港一路教日文賺錢一路整game(認真?)
>>No.10981
雖然咁講,日文反而讀完asso再讀都得(?),香港老板都唔清楚日本學歷資格
>>No.10982
我當然想讀大學,所以先想做出對得住自己既選擇
其實我得大概N4左右
認真,起初我諗住自己一個去日本,係我個friend見我有條咁既計先話一齊去,其實我都唔知佢同佢老母淆乜

抱歉半夜才回文,剛剛放工加打字又慢,未能儘快答各位
感謝島民提供大量意見
無名氏 : 拿不到日本語教師資格番香港教日文搵食根本係發夢(dREupqqQ)(14/08/12 14:50:21)
無標題 名稱: No.10979 [14/08/12(二)01:38 ID:vGc1sqQc] No.10986   
>原PO
好不幸我唔係做Archit, 只係好簡單咁search左一下JS0191既資料.

因為Archit同survey都係叫大路科, 如果你要直升cityu degree, 應該得好少位, 要有定top 5%先讀到既心理準備.
如果升外國top updegree既話, 要考慮之後夠唔夠資格考專業試, 你要查查top up degree係咪認可
e.g. 考HKIS既認可海外大學
http://www.hkis.org.hk/zh/pdf/degree/Oversea201305.pdf

日本既話照以家資料黎睇好大風險
1) 你讀Building / Survey要考專業試, 你考得黎又係要預4-6年, 根本無反悔餘地
2) 遊戲設計唔係要誇國經營, 係日本根本無動力去搵外地人做呢D工
3) 香港食唔起咁多Game Designer, 識日文對行頭冇乜作為

如果真心唔想係HK讀, 而又認真想進修揾工, 有冇考慮去英語系國家而唔係日本? 返到黎一口流利英文點都有so, 考專業試既話部份HK會認, 對前途大D幫助
無標題 名稱: 無名氏 [14/08/12(二)02:20 ID:.4SAamBk] No.10988 4推  
聽朋友講JS1091依科 asso grad 出黎都有 10k↑
去日本讀遊戲設計兩邊做野都冇咩好處
返黎又唔見得好過本地讀game啲人
加上日本教書/用嘅program全日文
返黎都未必融入到
真係想做遊戲就叫你個friend一係ive一係自學啦
如果其實只係想去日本hea
就練好日本玩working holiday一年咩都夠啦
無名氏 : 的確你讀完識CAD去畫圖都會有10k↑嘅(/ESBdpUY)(14/08/12 08:56:33)
無名氏 : 聽朋友講....你都幾似羊喎,聽咩就信咩(OmqzUqGY)(14/08/12 18:47:18)
無名氏 : 唔好勉強以做game為目標,練好CAD/寫程式最少可以轉跑道(axWfN6r.)(14/08/12 19:29:05)
4SAamBk : 因為我朋友就係果科grad, 唔通唔聽佢講?(.4SAamBk)(14/08/12 23:31:37)
無標題 名稱: 無名氏 [14/08/12(二)02:40 ID:CXXVKFSg] No.10989   
以我所知去日本留學都唔平
點解唔會考慮去其他國家留學呢?
現實係英美澳加大學既認受性係香港點都比日本高
花咁多錢都應該諗個高回報D既路

另外係CG,Game development其實唔一定要讀個degree先可以做到
自己有興趣網上資源係極多
反而好多學店都係呃你錢教你皮毛野

講番你個asso offer
個個人都想asso上大學
但現實係唔係真係講到GPA3.5就上到去咁易先...
讀書分分鐘仲chur過DSE
個programme一收收四百幾人
希望原OP足夠既覺悟日日讀書升上去
CITY個Archi搞左咁多年都好似未成氣候
要考牌你要有工作經驗再去HKU CU讀個M. Arch.
如果唔係出黎最多都係係firm到畫下圖

btw,相處好同住難
唔係相離間你地之間友誼
但係好多時就會出事
無標題 名稱: 無名氏 [14/08/12(二)14:08 ID:MbQTZUrM] No.10993   
 檔名:1407823698236.jpg-(33 KB, 500x281) [以預覽圖顯示] 33 KB
假設你地去日本讀完遊戲設計,CG繪圖
又唔留響日本發展

恕我孤陋寡聞
返香港可以做乜?香港遊戲產業咁細,市場細
有信心搞大?

去教日文,去一田百貨做sales?

定係想整另一個神魔之塔?
就算係抄,創辦人都要18個月都冇收入,背負比唔出家用,比老豆老母插既壓力噃
無標題 名稱: 無名氏 [14/08/12(二)18:50 ID:OmqzUqGY] No.10998 12推  
好簡單,你屋企等唔等你開飯,唔等你未試羅,仲要係N4...N1先係日本小學生程度,老實講我唔睇好你。

係有心讀大學,台灣,美國,加拿大,新加坡亦係選擇,死揀日本都無用,如果你話左夢想,你一定要去日本讀就唔會問我地啦。

當你問得你自己都知道甘揀,自己都會懷疑,何苦
無名氏 : N1是小學程度,聽你這樣說就知道未學過日文(JXnQMsZU)(14/08/12 19:00:58)
無名氏 : 你屋企等唔等你開飯,唔等你未試羅+1(axWfN6r.)(14/08/12 19:04:02)
無名氏 : JXnQMsZU 你唔出聲還好...一出聲就自打嘴巴.....何苦呢?(6T26tjGs)(14/08/12 19:18:21)
無名氏 : 知唔知咩叫外語同母語既分別?就係一個甘唔公平情況下,仲要係日本留學,會發生咩事?好明顯啦掛?(6T26tjGs)(14/08/12 19:22:26)
無名氏 : 日文程度我唔講,不過睇錢做人係真的,自己OR屋企有錢,當去玩都好,讀書不如行路,去見識多D無話唔好(7VzrLmkk)(14/08/12 20:18:52)
無名氏 : 最緊要唔好為左夢想搞到無飯開,!!!" 錢 "!!!<-好重要(7VzrLmkk)(14/08/12 20:20:15)
無名氏 : JLPT不太準吧..有些人N1程度閱讀跟聆聽能力很高,但要他來篇小學生級別的作文也可能(TGCDjzDU)(14/08/12 21:03:04)
無名氏 : 寫不出來,又沒法很好的自我介紹(TGCDjzDU)(14/08/12 21:03:48)
無名氏 : 台灣既學歷係HK唔多有人認, 去澳洲仲好(vGc1sqQc)(14/08/12 21:26:21)
無名氏 : 澳洲唔錯(OmqzUqGY)(14/08/12 23:59:03)
無名氏 : 日檢不是運氣勝負嗎? 願MC之神賜我答案~﹗(滾鉛筆)(VDs/pY8o)(14/08/13 10:35:01)
無名氏 : 日本人係認為N1係高中程度(閱讀同聆聽),不過想考大學考既日本留學試有埋寫作要考,之後去日本面試(lqdXPdjk)(14/08/17 13:52:11)
無標題 名稱: 無名氏 [14/08/12(二)22:29 ID:StBGJH.I] No.10999 1推  
而家係咪講明有你一齊去你朋友個阿媽就俾佢去先,講到咁老定,人地阿媽立場,一個細路同兩個細路有咩分別
同埋你朋友自己都淆就無得好講啦,即係你預左同佢去留學係多個包袱
遊戲設計,我自己認為啦,都唔太睇好
首先日本自己咁多當地人,專門學校去培育專才,你外國人好難競爭,除非你能力好TOP非你不可
香港又好難搵到食,兩頭唔到岸,比較穩陣可能係你考到N1,再配合你響日本留學經驗,咁就好多日文需求既工你都可以嘗試
無名氏 : 叫你個FD老老實實搵份工做,或者香港搵課程讀,留學可以之後有錢再去諗(StBGJH.I)(14/08/12 22:31:27)
無標題 名稱: G [14/08/12(二)22:32 ID:OlcQRRRg] No.11000   
自己是過來人
難得在香港板看到這類討論
獻醜提供一下自己的看法

小弟的Profile
・五年前IVE退學後留日,在專門學校進修遊戲設計課程
・現在於日本遊戲開發公司擔任企劃

-------------------
因為是牽扯兩個人
又有好幾項複雜因素
先來簡單整理一下

原PO
・必須在大學與日本留學之間作選擇
・大學的動機是父母期望與對將來的展望
・留日的動機是自己對日本ACG文化有興趣(估計)
・對CG有興趣,但不清楚自己真正想做什麼
・讀完書後想回香港發展

友人
・IVE?(估計)與留日之間作選擇 (或者根本沒選項?)
・留日的動機是對日本ACG文化有興趣
・有"想製作遊戲"的明確目標
・讀完書後想回香港發展
-------------------

下篇繼續
無標題 名稱: G [14/08/12(二)22:32 ID:OlcQRRRg] No.11001   
先談原PO
其實思考方向很簡單

先問一個問題
對自己而言最重要的是什麼?

重視父母的期望與保險的展望?那去讀香港的大學
重視自己在日本的可能性與未來?那就選留學

因為你有複數選項,也有複數的動機
那就等於你要犧牲自己一部份的意願作出選擇
也要承擔選擇後的潛在風險,絕不可能圓滿解決

能幫朋友,在這情況下是"藉口"不是"動機"
所以你要想清楚,對自己而言最重要的是什麼
有什麼東西是現在不想放棄的
(大學的"Offer"?或者是年輕時能去日本的"經驗")

想清楚後,你自然不需要問問題,你自己會有答案
剩下的,就是你自己有沒有膽去承擔風險而已

-------------------

接下來是你的友人

首先,你友人的想法並沒有錯
在日本的環境下一個人生活,確實能讓自己成長不少
而你朋友,看上去有明確的目標與動機
單就這方面的建議來說,他應該選擇去日本讀書

至於能不能捱過去,只能說因素太多
每種case都有不一樣的結果
隨運、隨緣

-------------------

以上是根據兩位的情況
針對"不知道該怎麼選擇"的問題、給予的建議

下篇繼續
無標題 名稱: G [14/08/12(二)22:33 ID:OlcQRRRg] No.11002   
當然,到日本留學
風險既高、情報也不足夠
對自己將接觸的分野也一知半解
自然會出現很多不安

先來講講到日本讀書後回香港發展的想法

首先,這種想法不能說有錯
但是若是以想做CG、想做遊戲作為出發點
並不是一個很合適的想法
--
單就進修的技術分野來說
日本並不會比香港先進多少
而跟你一起唸書的人,很有可能連電腦都不懂用
(不要懷疑,日本人的IT水平是低到嚇死人的)

接下來,有出來工作過
尤其是做創作行業的人都知道
學校、或者是獨學而來的技術與知識
不管多強都好,進了公司後根本差不了多少
到最後,都是進公司一邊做、一邊經驗、一邊學
--
再者,日本會積極招海外學生的學校,十間有九間是學店
先是要你的錢,然後:

1.專門學校的話、總之就讓你找到工作 (不管工種)
2.大學的話,總之就讓你畢業,拿證書

在這前提下,認為去日本能學到技術的,是妙想天開
--
在這前提下
說實話去日本、留香港都是一樣的
更別說在香港發展遊戲產業下
基礎不成熟,經驗不足,市場不夠等問題(相比日本與歐美)


下篇繼續
無標題 名稱: G [14/08/12(二)22:34 ID:OlcQRRRg] No.11003 7推  
那去日本留學能做什麼?
以下分幾個次元,數字越大,越少人能學之而成

1.練好實用日文 (真正能應用的日文,不是考試用的日文)
2.初步了解日本人與日本文化
3.學到"表面"的製作思想與技術、一部份的Know-how
4.在日本公司就職 (不要懷疑,日本找工作沒你想像中難)
5.掌握日本的人脈網路 (前提是要有溝通能力)
6.深入理解日本人與日本文化

從上面幾個原素去看
就知道為什麼去日本讀完書的人
回香港發展,除非你是創業搞Start Up
不然大多是教日文、或者是進日本公司工作

不要把夢想想得太簡單
去日本留學到底有沒有價值
就要看施主你的造化了


-完-
無名氏 : 懶人包:能力愈大,選擇愈大 。 PETER的叔叔不要打我(逃(6T26tjGs)(14/08/12 23:16:33)
無名氏 : G哥大膽假設,小心求證,上知天文,下知地理,小弟誠心拜服(逃(4pMienM2)(14/08/13 01:02:44)
路過 : 留學日本在學校進修遊戲設計課程的學費貴嗎...有想過但生活費學費什麼的(胃痛(2BS0r05s)(14/08/14 01:02:25)
無名氏 : 在日本半工讀可能嗎(2BS0r05s)(14/08/14 01:03:09)
原po : 因為我有問過人,而且我起初亦有考慮半工讀(0ehgT.zc)(14/08/14 10:14:31)
原po : 其實只要識日文就可以搵工,人工好似唔低,但應該只夠生活費,學費負擔仍然大(0ehgT.zc)(14/08/14 10:16:37)
無名氏 : 日本非本地人打工你知道稅會扣多重嗎...這想法是不錯,但要找找相關資訊比較好(MC34tyFE)(14/08/15 01:31:21)
無標題 名稱: 原po [14/08/13(三)01:26 ID:5WPoeeo2] No.11004   
 檔名:1407864382190.jpg-(161 KB, 1920x1080) [以預覽圖顯示] 161 KB
真係好感謝各位島民熱心解答我既疑難
真係感激不盡
考慮過前途後,日本的確唔太穩陣,未知情況有好多...
聽完咁多島民既意見,我會選擇留係香港
我只係唔知點面對個friend好

>>No.10986
如果真係做唔到5%,我就會讀埋海外degree,至少叫有個專業資格
遊戲設計呢個諗法的確諗得未夠深入同埋都天真得濟
其實我個friend有非日本不去既奇怪諗法
>>No.10988
就係聽講前途唔錯先有考慮讀呢科,我表哥個friend有繼續進修過
遊戲設計真係因為諗得唔夠深入先至搞到咁,而且個friend覺得ive太廢唔想讀
>>No.10989
因為佢有非日本不去既諗法,唔知點解,應該係興趣驅使
現實講句,興趣同前途的確好難掛鈎,而且網上資源豐富又係真既
chur過DSE我預左,始終真係想讀大學
相處好同住難可能真係難以否認(?)
>>No.10993
CG繪圖始終只係興趣,我都覺得我當初太天真
我都唔知個friend想整乜game
>>No.10998
其實都唔等錢開飯,如果話去日本讀書係夢想,我宜家會話夢想都要建築係錢之上,有一份唔錯既工,日後實現夢想會易d,起初我真係想話見識下就算...
>>No.10999
可能係因為佢阿媽過去所致,唔想個仔好似佢咁要獨留異鄕
叧外我都好認同你講既野,如果以搵食為前提,去日本風險太大
我有同佢講搵課程讀,好似唔太聽得入耳
無標題 名稱: 原po [14/08/13(三)01:31 ID:5WPoeeo2] No.11005   
 檔名:1407864668136.jpg-(93 KB, 1920x1080) [以預覽圖顯示] 93 KB
>>No.11000
>>No.11001
唔會獻醜,反而過來人有更多意見
我宜家諗得好清楚,能夠達到父母的期望同有一個保險既將來會更好
我唔想放棄Offer(因為可能得呢一次機會),就算我讀完degree,我仍然都算後生,仍然都能夠去日本見識
最大原因其實係佢阿媽唔俾佢自己一個人去,而且話無論如何都説服唔到,所以先話去唔到日本咁解
>>No.11002
正因為之前諗得唔夠深入,所以完全無考慮到呢D,真係好對唔住,我太天真
>>No.11003
好多謝您論出您既所有觀點。
的確無太多人達到呢個次元,而且都要好耐時間先做到,亦都唔易,係達到夢想前我都係慢慢打好基礎先得

好多謝各位島民花時間留言俾我,用心解答我,我全部都認真睇過,亦都用心認真諗過,我不會浪費您們的心血的
祝各位島民幸福
無標題 名稱: 無名氏 [14/08/13(三)01:38 ID:DjArTPBI] No.11006   
看完原PO的結尾,不知道為什麼感覺像結束網遊的官方公告....

不用拖我!!我自己走!!(逃
無標題 名稱: 無名氏 [14/08/13(三)01:42 ID:4pMienM2] No.11007 3推  
睇到原PO個貼幾斗趣,我又發表一下我既"偉論"先

見到原PO個朋友諗住一齊讀尼個POINT其實已經係一個毒藥

點解佢唔可以佢一個去自己讀而又要人陪,尼一點已經唔切合"環境壓力"

而原PO話怕搞到人無書讀,你其實有無諗過地球好多人因為你俾錢佢地,搞到佢地無書讀?(其實我係想講,唔通佢無女俾佢吊,係因為你無識到女朋友俾佢吊???我有無理解錯誤?)

拿,如果睇原PO果路線,想係香港做電腦程式,香港係好欠缺既
而做遊戲既話,供過於求

其實原PO難受係因為你朋友對你"友情既利用"
一個你識左你幾耐既朋友"利用"你既友情去令你難受

你話我太多陰謀定係咩都好,你朋友單純係利用你者
你又要諗東諗西,你朋友又有無為你諗過???

so......你諗左自己先啦,幫人地諗埋,你以為你係神咩,不如你幫下我啦,我無錢用丫,借住d錢黎下用,下次過返數俾你(pk朋友mode
無名氏 : 我無錢用丫,借住d錢黎下用,下次過返數俾你+1(DjArTPBI)(14/08/13 01:44:16)
無名氏 : 又唔一定話利用,如果離鄉別井有識既人係身邊係會安心D,不過亦係困住自己發展…(ZW3o8z6.)(14/08/13 02:02:51)
無名氏 : 依家尼個世界好易 幫人=害人,依家你覺得人幫緊人,將來人地就會怪你幫佢(4pMienM2)(14/08/13 02:50:14)
無標題 名稱: 無名氏 [14/08/14(四)03:55 ID:52GOwqXQ] No.11033 3推  
 檔名:1407959731818.jpg-(41 KB, 800x531) [以預覽圖顯示] 41 KB
過來人上釣+1


先講吓我自己

・30歲+
・CG人

因為心愛ACG, high dip揀左Digital Arts, 畢業後喺呢行打滾了67年

game我唔熟, CG的話只能同你講香港鬥技術/美術底子唔夠歐美日,鬥平唔夠強國=冇得做
CG(特別係電腦動畫)/Game, 背後最重要其實係programming底 (maya/max/after effect等等複雜場景/特效好多都要落script做)
請先問吓自己邏輯思考能力得唔得

除非你喺一心向畫師呢方面走
轉眼就幾年, 依家人過30一碌葛
除了CG乜都唔識, 喺因為鐘意ACG所以一直有讀日文有N1

今年下定決心將自己砍掉重練
報左個日文top-up degree, 一來係強化自己個日文底, 二來係想借呢個degree跳去日本
因為有動畫底+對日本文化有愛,希望可以留喺日本慢慢向媒體方面轉行

當然有心難理準備條路唔易行, 但我再留喺呢行一樣冇路行, 試左總好過唔試
>>No.11000

想請教吓呢位大大

30幾歲人,嚮日本揾工會唔會好難?

我中英日文都ok
日本公司似乎好睇TOEIC分數所以打算考埋佢叫做多把刀(?)
無名氏 : 哦,6~7年,第一眼睇以為67年,比你嚇親(wJnCjH6M)(14/08/14 09:56:11)
無名氏 : 想詳細個日文top-up degree(.o4ViYCo)(14/08/19 23:12:15)
無名氏 : つhttp://goo.gl/6vwyHJ(g/.yyY3M)(14/08/22 18:57:45)
無標題 名稱: 無名氏 [14/08/14(四)07:59 ID:/6SBwtQk] No.11034 2推  
去日本搵出路吧啦留響
香港真係乜野前途都無
響日本涯世界至少可以抱住人離鄉賤既心態去涯
響香港,就算食埋屎你都上唔到樓呀
至少有得屌都係屌架妹
無名氏 : PS.ASSO昆錢唔建議讀(/6SBwtQk)(14/08/14 08:01:02)
無名氏 : 的確日本工作環境對外地人不利 比起日本 香港更搵唔到食 左右都係死路 走一條自己喜歡既死路吧啦(p8DuVtW.)(14/08/14 15:38:42)
無標題 名稱: G [14/08/15(五)01:00 ID:LwHaluAM] No.11043 1推  
 檔名:1408035643035.jpg-(309 KB, 700x700) [以預覽圖顯示] 309 KB
>>No.11033


找工作難度來說
CG業界有技術,有經驗的話不難
日本有不少是專門接外判的美術Studio
找一些有接海外工作的製作室或許有機會

論工作環境,一般論
日本的職場環境與香港相差蠻大的
香港的職場比較接近歐美文化,以個人主義優先
日本是群體文化,以群體責任優先
在一般香港人眼光,日本職場很多地方會令人費解
這點需要在想法上有所調整

日文能力方面、是懂日文是一回事
懂日本文化是一回事
與日本人交際又是一回事
日文靠唸書考學習,總有辦法練上一定等級
文化與交際面是書裡學不來的,只能靠實地去經驗


見過太多例子
不是技術不夠,也不是日文不行
但始終於法融入日本文化,理解日本人的想法
要不就是無法接受他們的處事方式
嚴重的,甚至會認為他們歧視外國人、不懂變通等等
若有撞板覺悟,趁還有本錢時去闖闖無仿

雖說有一定年紀的話應該不用擔心
最近太多年輕人,對日本抱有太多理想
踩進來看到現實後,理想幻滅,沮喪回國

近年到日本的留學生越來越多
但當中能在日本找到理想工作的不多
能在職場如魚得水的更是少中又少

但願有理想之人
不要太輕易放棄理想
無名氏 : 靠畫cg難賺多少錢?能做多少年?(Jv/EALgY)(14/08/18 20:16:19)
【在一家黑心公司上班,我想我快不行了】 名稱: 無名氏 [14/08/15(五)12:16 ID:ZM.LezrQ] No.11044 4推  
http://shouhei-blog.blogspot.hk/2013/10/blog-post_15.html
http://shouhei-blog.blogspot.hk/2013/10/blog-post_25.html
無名氏 : 程設淚目(5uFo8pb.)(14/08/15 18:52:22)
無名氏 : 幹!騙我,現實職場才沒這種結局!(NBh/LyY.)(14/08/15 21:14:10)
無名氏 : 現實職場才沒這種結局+1(VA8CeLF6)(14/08/16 01:28:57)
無名氏 : 小型公司有機會,香港?發夢(9dvS6VDw)(14/08/16 12:41:58)
無標題 名稱: 無名氏 [14/08/18(一)17:29 ID:7ydsw/Co] No.11078   
>>No.11043

我係11033

我身邊都有喺日資做野o既朋友、對佢地套處事方式都略有所聞
感覺跟住前輩喺後面學便萬事大吉(?)(笑


感謝你的回應!

【刪除文章】[]
刪除用密碼:
第一頁[0] 最後一頁





<NOFRAMES>